Një incident ka ndodhur sonte rreth orës 20:15 në një lokal në lagjen “Ulpiana” të Prishtinës.

Sipas informacioneve në këtë lokal ka pasur një përleshje, e cila ka vazhduar edhe për jashta.

Burime të kallxo.com thonë se në këtë incident ka edhe të lënduar me mjete të mprehta.

Në fotografitë e siguruara, shihet prania e Policisë dhe autoambulanca.

Rreth orës 20:00, në lagjen “Ulpiana”, në Prishtinë, një person është therur me thikë.

Policia e Kosovës ka konfirmuar për lajmi.net, se i plagosur ka mbetur 17-vjeçari me inicialet A.K.

Zëdhënësi i Policisë së Kosovës, Bajram Krasniqi, ka thënë për lajmi.net, se ngjarja ka ndodhur në një lokal në lagjen “Ulpiana”.

“Rreth orës 20:00, kemi pranuar një informacion për një therje me thikë në një lokal në lagjen Ulpiana. Në vendin e ngjarjes ka dalë mjenëherë nëjsitet e nevojshme policore. Sipas informacioneve fillestare një person A.K, 17-vjeçar është plagosur me një armë të ftohet, që dyshohet të jetë thikë”, ka deklaruar Kransiqi për lajmi.net, i cili shtoi se viktima është dërguar për tretman mjekësorë.

Ai po ashtu ka deklaruar se, Polica po merret me identifikimin e personave të përfshirë në këtë rast.